Moymoy Palaboy & Roadfill with an appearance of Pinoy Biscuit Blogger DCRJ (Dr. Dan C. Rivera, Jr.) in the music video 'Rugby Boy' from the moymoypalaboy 'Uploaded' Album CD/DVD Moymoy Palaboy & Roadfill at DCRJ's clinic January 30, 2009


Thursday, September 11, 2008

MANNY PACQUIAO Now 154 lbs. Just Like The Video Game PACMAN with Uncontrollable Gobbling For the Oscar De La Hoya Dec. 6, 2008 Fight


Manny Pacquiao aka the Pacman, just like its video game counterpart Pacman, is currently gobbling up all sort of food to bulk his weight up for the upcoming Oscar De la Hoya fight. He is now 154 lbs. but he said he could easily make the 147 lbs. on the agreed weight limit 1 day before fight night. I just hope Manny Pacquiao's sudden weight increase won't diminish his punching power.

Here's an article by Manny Pacquiao from Philboxing.com


MALAPIT NANG MAG-UMPISA

By Manny Pacquiao
PhilBoxing.com
Thu, 11 Sep 2008


Photobucket Image HostingPhotobucket Image Hosting

GENERAL SANTOS CITY — Kumusta po ulit, mga ginigiliw kong kababayan at ang mga tagasubaybay ng kolum na ito. Sana ay nasa maganda kayong kalagayan saan man kayo naroroon.


Isang linggo na lang po at ako ay lilipad na patungo sa United States upang simulan na ang pagpo-promote ng laban namin ni Oscar Dela Hoya sa Disyembre 6, sa MGM Grand Arena sa Las Vegas, Nevada.

Medyo marami po akong inaasikaso ngayon dito sa Pilipinas dahil matagal-tagal akong mawawala dahil tuluy-tuloy na ang ensayo pagkatapos ng promotional tour namin ni Ginoong Dela Hoya. Tinatapos ko ang nalalabing subjects ng aking kurso sa college at inaayos ko ang ilan sa mga bagay na maiiwan ko dito.

Ayon sa schedule, kami po ay magsisimulang magpromote sa Statue of Liberty sa New York, pagkatapos niyan ay tutungo naman kami sa San Antonio, Texas at Houston, Texas, ilan sa mga malalaking siyudad sa US. Siyempre, kasama rin ang mga siyudad na San Francisco, Las Vegas at Los Angeles sa promotional tour at inaasahang dagsaan ang mga taong susubaybay sa mga nangyayari at pangyayari.

Ngayon pa lang po ay excited na ako na bumalik sa gym at maghanda ng tama at walang paltos na fight plan para kay Golden Boy. Alam naman natin na mas matangkad at malaki siya kaya naman po medyo nagpapalaki ako ng kaunti para hindi masyado malaki ang agwat namin. Siyempre, hindi ko isasakripisyo na mawala ang bilis sa ibabaw ng ring, na siyang isa sa mga bentahe natin, sa aking palagay.

Sa ngayon po ay wala akong control sa pagkain ko dahil alam ko namang masusunog ko lahat ito sa training sa Wild Card Gym ni coach Freddie Roach. Sa ngayon, nasa 154 pounds ang timbang ko at wala pong problema sa pagkuha ng 147 pounds limit na siyang paglalabanan namin.

Alam ko pong kaya ni Ginoong Dela Hoya na makuha ang timbang na 147 pounds dahil hindi naman siya naging pabaya sa kanyang kundisyon sa pangangatawan. Kung hindi, siyempre, magmumulta siya ng $3 million o higit pa, depende sa timbang na kanyang dadalhin sa araw ng laban.

Kahit na halos 12 linggo pa ang nalalabi bago kami magkakasagupa ni Dela Hoya, alam kong sandaling panahon lang iyan sa bilis ng takbo ng panahon. Parang kailan lang, ako ay lumalaban sa 122 pounds limit sa undercard ng laban ni Dela Hoya kontra kay Javier Castillejos para sa 154 pounds title. More than seven years from that time in 2001, here we are doing battle with boxing's biggest star, the Golden Boy himself. I like my chances even if I am the underdog and in my mind, I know how to defeat him.

Marami po tayong gagawin sa paghahanda. Ito na siguro ang pinakamatinding paghahanda na aking gagawin sa buong buhay ko mula nang magsimula akong magboksing. Siyempre, kakailanganin ko po ang lahat ng inyong suporta at pakikisama. Kasama ang inyong walang patid na pagdarasal, sana naman po ay bigyan ninyo ako ng tamang espasyo sa training. Opo, sigurado, isasara ang gym at iyong mga kasama lang sa aking team ang papayagan. Para naman po sa mga bibisita sa akin, sana, iyong mga may nakakahawang karamdaman ay makisama rin.

Hanggang sa Muling Kumbinasyon. God Bless Us All!

Sphere: Related Content

Related Posts by DCRJ: